رواية لم انضج بعد كامله
طول الليل لطف نايمة مع البنات في اوضة الاطفال كل خمس دقايق بنت من البنات تقلق ولطف تروح ترضعها وتطبطب عليها وتنيمها لطف لما اتاكدت ان البنات ناموا خرجت البلكونة وغمضت عيونها واتنهدت وريحت اعصابها ولسا هتتكلم مع نفسها تفضفض لنفسها لقت اللي بيشدها من شعرها اللي طاير من الهوا
محمد: خشي خشي يقليلة الادب خارجة البلكونة بشعرك ؟؟؟؟
وكمان سايبة البنات عمالين يصوتوا
لطف بزعيق من التوتر اللي هي فيه البنات عمالين يصرخوا وهو يزعقلها: لطف مسمعتهمش انا كنت بفك عن نفسي
محمد ضرب لطف على وشها وسابها ومشي
لطف حطت ايديها على خدها وقعدت تعيط راحت طبطت على بنوتة لغاية ما نعست وشالت التانية بترضعها وهي سرحانة في اللي بيحصلها وعلى وشها علامات حمرا وعيونها هتنفجر من كتر ما هي ورمة.لطف بقت حاسة بقهر وكسة نفس وذل
هي طفلة هتقدر تستحمل كل الاحاسيس دي
تاني يوم لطف لبست ونزلت البنات عند حماتها وراحت مع محمد معمل تحاليل وعملوا التحاليل والتحاليل طلعت وراحوا لدكتور ( في كذا يوم يعني )
الدكتور: اتفلضي يا مدام اتفضل يا استاذ
محمد: معندناش وقت لو سمحت ممكن تقولنا النتيجة
الدكتور: واضح هنا ان المدام حامل في شهرين
محمد: طب واد ولا بت
لطف كانت ساكتة ومصدومة اي رد الفعل اللي المفروض تاخده دي حتى مسمعتش حاجة بعد انها حامل مش هتقدر على كل دا ابدا
محمد شد ايد لطف وهي لسا بتقف عشان يمشوا وقعت مغمى عليها طف: م مش عايزة اخلف تالت
قالتها الطفلة اللي عندها ١٢ سنة لما عرفت انها حامل في ابنها التالت.محمد: لطف فوقي وشال لطف بسرعة حطها على سرير الكشف في عيادة الدكتور
وفي ثواني علقوا للطف محاليل
الدكتور: هي بتتعب في البيت وكدا
محمد: انت ازاي تسال سؤال زي دا
الدكتور: يا استاذ محمد المدام متعقدة من الخلفة كمان مرة وواضح انها مبتاكلش خالص حضرتك لازم تهتم بأكلها جدا الفترة الجاية عشان تقدر تولد الطفل دا وكمان مينفعش ضغط اعصاب ابدا عليها
محمد خد لطف وروحوا وكلم مامته قالها أنه هيسيب البنات يباتوا عندها اليوم دا
محمد اول ما وصل البيت لطف غيرت هدومها وقعدت على السرير بتبص قدامها وهي سرحانة خالص ومش شايفة قدامها اصلا محمد دخل ووقف قدامها وبدأ يتكلم معاها
محمد: هو انا كل يومين هتقعي مني واروح اعلقلك محاليل
لطف: انا اسفة
محمد: ادعي يختي يطلع ولد
عدا ايام وشهور ولطف بقت بتقعد على الاكل تاكل بالعافية عدت ٣ شهور ولطف النهاردة راحة تعرف جnس النونو بنات لطف كبروا وبقوا ١١ شهر
الدكتور: ممم شكله كدا بنت
محمد قام وقف
الدكتور: اقعد يا استاذ محمد انا لسا بشوف
محمد قعد تاني
