رواية "في الخامسه وربع صباحآً"
يومها عرفت انه محبنيش اصلآ وكملت حياتي بعد شهور في عياده نفسيه واتخطبت ومحصلش نصيب و..
فوقت من سرحاني على صوت سواق التاكسي وهو بيقول:
_يا انسه وصلنا
حاسبته ونزلت ودخلت الكافيه اللي قال عليه كنت بدور ب عيوني عليه لحد ما لقيته مبتسمتش بس اتجهت ل المكان اللي قاعد فيه قام وقف لما شافني
مد إيده سلم عليا ابتسم وقال:
_متشكر اوي انك قبلتي انك تيجي اتفضلي اقعدي
قعدت ومنتطقتش ولا كلمه بس كان شكله تعبان مش زاي الاول مفيش حيويه مفيش حماس ل الدنيا مرهق تحت عينيه اسود
فضلنا في صمت استمر لمدة خمس دقايق بعدين اتكلم وقال:
_تشربي اي؟
_احم ممكن قهوه سكر زياده
جيه الويتر وقالو على المشروبات اللي عايزنها ومشي بصيت ليه واتجرأت وقولت:
_خير عايز اي يا يوسف؟
حط إيده في شعره اللي متبعتر واتنهد وقال:
_بصراحه عايز حاجتين
بصيت ليه ورفعت حاجبي وقولت:
_الاوله؟
_نرجع
فضلت ساكته شويه وقولت:
_والتانيه؟
_تساعديني
_في اي بظبط ؟
_في كل حاجه يا روز انا خسرت كل حاجه وهبتدي من جديد دراسه وشغل وبيزنس خاص كل اللي محتاجو منك تشجعيني تأمني بيا اني هوصل تقوليلي انك واثقه فيا يا روز واني فعلآ هوصل
فضلت ساكته شويه وبصيت على إيديه مالقتش فيها الدبله رديت بكل برود وقولت:
_شوف يا يوسف لو على المساعده فا انا عيني ليكي متعودتش ان حد يحتاجني في حاجه وميلاقنيش بس اننا نرجع دي صعبه
كان هيرد بس جيه الويتر نزل المشروبات ومشي تاني رد وقال:
_بس انا عايزك معايا ونتي روز حبيبتي مش ب اي صفه تانيه انا عايز اوصل بسبب مساعدة حبيبتي ليا يا روز
بصيت ليه وفضلت ساكته شويه بعدين قولت:
_هو انت عمرك حبتني يا يوسف؟
_اللي بيحب مبيمشيش مهما كانت اي الظروف
_بتحبني يعني تتعب عشان مش اتعب بسببك
_جاي دلوقتي تقولي نرجع وتقولي حبيبتي وكنت فين لما حبيتك كانت محجوزه في المصحه النفسيه فضلت قافله على نفسي شهور مبقتش بثق في الناس بسببك سمعت اغاني حزينه تكفي سنين قدام كانو أصحابي يبقو في الساحل وانا في البيت بعيط مع عمرو دياب وهو بيقول مقدرتش انساك واليالي..
فضل ساكت مردتش اتكلمت انا وقولت:
_رد عليا كنت فين انت من كل ده يوسف انت اناني
قولتها وقومت خدت شنطتي ومشيت مش قادره استوعب انه يوم ما يفتكرني يبقا عايزني اساعده في حاجه مش راجع عشاني ولا راجع عشان واحشته كمان
وقفت تاكسي واتجهنا للبيت طول الطريق بعيد المشهد في دماغي بعيد الكلام والرد والاسلوب بس الاكيد اكيد إن انا كنت صح
وصلت البيت ووانا على الباب لسه بطلع المفتاح جالي مكالمه من رقمو رديت ونا بقولو:
_نعم!!
رد عليا شخص نبرة صوته غريبه وقال:
