رواية "في الخامسه وربع صباحآً"
_قابليني وهفهمك على كل حاجه
بعتها وبعت معاها عنوان المكان اللي هنتقابل فيه والمعاد مردتش عليه لأني مش عارفه من المفروض اعمل اي اصلآ
قفلت موبايلي ورجعت نمت وصحيت على العصر فطرت مع ماما وحكتلها اللي حصل ماما أقرب صاحبه ليا من بعد وفات بابا ونا مبقاش عندي حد غيرها ردت وقالت:
_طب وانتي عايزه تعملي اي؟
_مش عارفه يا ماما مش عارفه هو رجع يفكرني بيه ليه اصلآ
_انتي منستهوش عشان تفتكريه اصلآ يا روز
_بس اتعودت اني اعيش من غيرو يا ماما
_طيب انتي برضو عايزه تعملي اي وسيبك من قلبك فكري ب عقلك
_حاسه اني عايزه اسمعو عندي فضول اعرف هيقول اي واي حصل في حياته وفين خطيبته ومحتاجني في اي
_بس يا روز...
_عارفه يا ماما مش هرجعلو هعمل كل ده بس مش هرجعلو انا عمري ما انسى اني اتأذيت بسببه
_طيب واعملي حسابك ان اخرك ساعه واحده بس مينفعش تتأخري عن كدا
_حاضر يا ماما
قولتها ورجعت شعري ورا وداني ودخلت اوضتي غيرت هدومي كنت لابسه دريس اسود بس حستني بهتانه زاي الورده الدبلانه تمامآ..
رجعت غيرت الدريس لبست بليزر بينك على شيميز وبنطلون ابيض
وقفت عملت ميكب خفيف بس كنت مركزه على ملامح عيني حددتها ب الكحل والايلينر والماسكرا
كان دايمان يقولي انه بيحب عيني بس كان هو السبب في دموعها!
رشيت من البرفيوم بتاعي وخدت شنطتي ونزلت ونا في مش فاهمه برضو انا رايحه اقابلو ب انهي صفه؟
موعد مع الاكس؟؟
ضحكت على كلامي ووقفت تاكسي واتجهنا ل المكان اللي عليه في المسدج
طول الطريق بصه للشباك ورجعت ب الذاكره ٨ سنين ورا
ايام لما كنا مرتبطين عرفتو في درس الفرنساوي كان شاطر اوي في الفرنساوي وكان هو اللي بيذاكرلي ويوم ما اعترف ليا ب حبه فاكره كويس جابلي ورده وسلسلة على شكل فراشه وقالي انه بيحبني وبيحب ضحكتي وبيحب عيوني وشايفني فراشه يومها كنت فرحانه اوي ب السلسه وافتكرت كلامو وضحكت وقتها حسيت اني فعلآ فراشه ولابسه سلسله عليها فراشه زايي!
بس بعد ٨ سنين من ارتبطنا هو قطع وكسر جناحات الفراشه دي!
سابني عشان زهق وتعب من مشاكلي اللي مش بتخلص وعشان هو صعيدي وأهله مش هيوافقو انه يتجوز واحده من بره العيله وخطب.. خطب بنت عمه
يومها سمعت صوت تكسير قلبي..
