حماتي خلتني ابات علي السلم ـــ كامله ـــ بقلم هويدا زغلول

ايه دلوقتي ولا اقولها انا
مني
هو في ايه ياماما بس في ايه
دلال
ابوكي يامنى بعد ماباع بنت اخوك بشقه وشوية فلوس عايز يروح يتجوز قال طيب ياخويا جهز بنتك اللي على وش جواز دي الأول
مني
صحيح الكلام ده يابابا
ممدوح
ااا ااه يامنى صحيح هو ايه حقي ولا مش حقي انا راجل والشرع محللي اربعه وعادي لما اتجوز وادلع نفسي
مني
طيب ومفكرتش فيا يابابا انا بنتك وكبيرة اهو اقول للناس ابويا رايح على اخر الزمن يتجوز واحده تانيه على
ممدوح
بقولك ايه انا مش ناقصك انتي وامك واوعي من وشي بقا خليني امشي اوعي
وسابهم ومشي ومني قالت
انا مش عارفه هو بيعمل كده ليه
دلال
عشان هو واطي يامنى انا لو كنت اعرف ان نيتة زفت كده انا مكنتش خليت البت عفاف توافق على ابن سنية بس هاقول ايه بقا فضل يعشمني بالفلوس
مني
لا ياماما الحقيقه انك كنتي پتكرهي بنت عمي وكنتي عايزة تخلصي منها باي طريقة ومصدقتي ان سنية جات وطلبتها لابنها
وعندي حماتي طلعت شقتي وقالت
البت دخلت الشقه يمكن أحمد فتح لها طب يارب يهديك يابني
وخبطت وانا فتحت لها وقالت
انتي ډخلتي ازاى يابت
عفاف
ماهو
ابنك اللي فتح لي ودخلني وخرج احمد من جوه وقال
في ايه يا أمي انتي عايزة حاجة
الام
لا ياحبيبي انا كنت طالعه اطمن عليك انت كويس
احمد
انا كويس الحمد لله
الام
طيب الحمد لله ياحبيبي بقولك ايه ياعفاف تعالي ندخل نتكلم
جوه تعالي
ودخلتني معاها جوه وقالت
عارفه يابت ياعفاف ان ابني اشتكي منك عارفه هعمل فيكي ايه انا عايزاكي تسمعي كلامة وتنفذي كل طلباته انا مش عايزاه يرجع نفسيته تتعب تاني والا وربي لاكون رمياكي في الشارع زي الكلبه انتي فاهمة
عفاف
حاضر انا هعمل كل اللي هو عايزة وبعدين اساليه كده انا من ساعت مدخلت هنا واني بعمله كل حاجة اهو
سنية 
ماشي كويس خليكي على كده انا ابني مفيش أطيب ولا احن منه هو
بس حصلت له ظروف كده خلته بقا كده
عفاف
طيب وهي ايه الظروف اللي وصلته لكده مهما ان كان يعني مفيش راجل يوصل لكده الا اذا كانت حاجة كبيرة
سنية اتنهدت وقالت لي 
هييي اقولك ايه بس ابني كان