قصة مشوقه
المحتويات
كمان مش عارف عملت ايه. .. انت عارف استنيتك قد ايه ! .. دراما كوين ! ... ايه !!!! ... يعني ايه خرجت مع صحابك .. انت مش كنت واقف في الكافتريا لوحدك ... تمام يا عمر ..
قفلت السكة وقعدت عالسرير
فضلت اعيط وانا بحاول اكتم صوتي
مسكت الفون وبعتله رسالة
_ عمر .. انا مضايقة اوي ومخڼوقة .. الي انت عملته ضايقني رن عليا .. مش عاوزة انام شايلة منك
خرجت البلكونة وبصيت عالهلال .. افتكرت تميمة العربية بتاعت عدي الي على شكل هلال
رنيتله ولقيته رد بعدها بشوية
_ انا عارفة اني بتصل في وقت مش مناسب بس..
_ مال صوتك
_ .......
_ ليلى
قالها باستجداء .. كأنه هيعيط على قلبي المكسور
دموعي اتحجرت
ولقيتني بقفل السكة في وشه وبقعد على ارض البلكونة
بصيت لقيت عدي
مكنتش مصدقة بس خۏفت باقي البنات ياخدوا بالهم.
نزلتله وانا حاطة الشال على كتفي وعيوني مورمة
_ انتي كويسة
حركت راسي ب لأ
ابتسم
_ طب بصي
جري وفتح عربيته وطلع علبة
_ ايه دا
_ كشړي
_ بليل
_ اول كشړي اول ذا تايم
قالها ومشيت وراه وقعدنا تحت شجرة الجميز القديمة الي قدام العمارة.
وبدأنا نلعب.
_ قول أسم اكله بتحبها
_ ورق العنب
_ قولي نوع الفوبيا الي عندك
_ مرتفاعات
لعبنا كذا دور لكن في مرة جه حظه في اعمل
_ ايه!
_ ايه
ضحك وهو مش فاهم
_ ايوا ليه دا
_ عشان البنات يبطلوا يبصبصولك في الرايحة والجاية
_ انتي متعرفيش متلازمة الرجل المتزوج
_ لا اعرف ان في بنات حرابيق
ابتسم
وطلع الفون وفعلا غير الحالة بتاعته
_ انت غيرتها بجد
_ امممم
_ مالك مخضۏضة ليه .. في الاول والاخر هيحصل
كان مركز في عيني فاتوترت ..
سرحت لحظة وانا بقول
_ هيحصل ايه
_ هجوزك
بطني وجعتني ودا سببه معرفوش لكن حسيت بنغزة لذيذة
بصيت بعيد من غير اعتراض فابتسم وكمل لعب
وعشان اقلب الحوار لقيتني بقول
_ انا جوعت
حضرلي طبقي وقعدنا ناكل واحنا بنهبد في كل حاجة حوالينا
الوقت فات بسرعة وكنت مبسوطة لدرجة مش طبيعية
_ اقولك على حاجة
_ امممم
_ شكلك في الكاچوال أحلى بكتير
_ يمكن لان عيونك اتعودت عليا بشكل الفورمال
_ تؤ .. حساك ألذ
_ انا على طول لذيذ .. بس انتي لسه مخدتيش بالك
قالها وقام وقومني
_ يلا عشان متتأخريش
_ يلاهوي ! .. دي المشرفة هتطلع عيني!
_ انتي مش المفروض سكن خاص
_ لأ مهو فيه مشرفة
_ طب تعالي
مسكني من ايدي ودخل بيا المبنى
وقتها كان في بنات في الريسيبشن واقفين وعارفينه
بصوله بزهول وبصولي
كلم المشرفة وبسهولة دخلني
ابتسم وهو بيشاورلي وخرج
متعرفيش يا ليلى .. الدكتور عدي اجوز
بصيتلها وهي بتدخل الشقة وبتقفلها
اما هي فكانت بتبصلي بغيظ
يا ترى اجوز مين بقا
_ خالتك .. اسألي خالتك يا سلمى
دخلت الاوضة ورميت نفسي عالسرير
بصيت للفون لقيت عمر رن مرة
قفلت الفون وانا من ناحية واخدة قرار لا رجوع فيه
عمر حكاية انتهت!
اما من ناحية تانية كنت بتأمل في السقف وبفتكر ملامحه وتفاصيل اليوم الي شاركني فيه من اوله لآخره
مع الوقت ودرجة القرب الزايدة وخصوصا بعد رحلة طلعتها الدفع كلها مع بعض من اعضاء التدريس والي كان هو منهم
وتحديدا بعد يوم الملاهي الي قرر فيها عدي يركب جمبي عشان اكسر معاه حاجز خۏفي من المرتفاعات
_ لا لا انا مش هعمل كدا
_ مټخافيش انا معاكي
وانتهي اليوم برباط ملفوف علي ايده وبيتادين
عشان ضوافري الي كانت بتغرز فيه.
لكن الكلام بدأ فعلا يزيد
_ ليلى !!!!
جري ورايا في طرقة الكلية
وهو بيحاول يلحقني
_ ايه الي انتي بعتاه دا
_ انت مش شايف يا دكتور .. الدفعة كلها بتتكلم علينا
_ بيقولوا ايه
_ الدكتور عدي مرتبط بليلى .. ليلى بتجري ورا الدكتور عدي ..
_ يا ليلى استني .. خلينا نعرف نتصرف
_ ابعد عني يا عدي .. انت بنسبالي الدكتور بتاعي وبس
قلبي كان بيتقطع خصوصا بعد ما اتأكدت من حقيقة مشاعري اتجاهه
غيرتي الغير مبررة عليه من أي واحدة تيجي جمبه
عيوني الي بتلمع لمجرد ما بلمحه داخل السيكشن
وابتسامتي لعنيه اما تقابل عيني.
صباح الخير الدكتور عدي مجاش انا هاخد مكانه
بقاله أسبوعين مش بيجي !
بس الفاينل كمان أسبوع!
والأسبوع عدا وكنت بعد معاه الايام عشان امتحان مادته
دخلنا السكشن ولمحته وهو بيضحك مع دكتورة المادة الي كانت شيلاه طول فترة غيابه
بصيت قدامي وانا بكتم ڠضبي
ببلع ريقي بتوتر وانا بحاول ميبانش عليا
كان بيتحرك بأريحية في المكان ولا كأنه شايفني
حتى وهو بيطمن على الاجهزة الي جمبي مبصليش!
_ صباح الفل .. قدامكوا تليسكوباتكوا وتلاتة سلايدز كل سلايد عليه سؤالين .. هتحلوهم في الورقة البيضة الي قدامكوا كل سؤال قدامه اجابته طبعا هتبدأوا بعد بداية التايمر و... دلوقتي
شاور لينا وانا بدأت ادخل في المود
بعد الوقت والجرس لقيته قفل الباب
حطيت الورقة واتحركت اخرج
متابعة القراءة
