حماتى وجوزى

وقبل ما نبدأ حكايتنا اعرفكم على بطلتنا واسمها رقية عندها 25 سنه جوزها راح وفضلت عايشه سنتين من بعده وساب لها شقة عايشة فيها
وعند حماتها كانت قاعدة مع بنتها وقالت
الحما 
هي البت اللي اسمها رقية دي هتفضل قاعده في شقة ابني الله يرحمة مش المفروض تغور وتروح تعيش مع أهلها
منال
يعني ياماما عايزاها تسيب شقتها وتمشي وبعدين أهلها مين دي كانت عايشة عند عمها بعد ابوها وامها ماراحو ومصدق انها اتجوزت ومشيت من عنده وارتاح منها

سميرة
ااه هو ارتاح منها وجات جابت النحس لاخوكي 
اللي ياعين مقعدش معاها غير سنه ونص وحصلت له الحاډثه اللي راح فيها دي
منال
خلاص بقا ياماما ده عمره كده الله يرحمه هي ملهاش ذنب وبعدين محمد اخويا وهو في العنايه المركزه كان موصي انها تفضل في الشقة واحنا لازم نعمل بوصيتة. كمان كتب الشقه ب اسمها
سميرة
طيب منا عاملة بوصيتة اهو يامنال وسيباها عايشة في الشقة بس بصراحة بفكر اروح أعيش معاها بعد انتي انتي ماتتجوزي ماهو البيت هيفضي عليا وابقي لوحدي
منال
تقعدي معاها فين بس ياماما ده انا سمعت انها هتتجوز قريب

 

 

سميرة
بتقولي ايه يامنال هي مين دي اللي هتتجوز مرات ابني هتتجوز وفي شقة ابني لااا دي اټجننت بقا

منال
ياماما واحنا مالنا وبعدين رقية صغيرة ومفيهاش حاجة لو شافت حالها واتجوزت ده حقها برضو
سميرة
كسر حوقها هي لو عايزة تتنيل وتتجوز ماتروح تتجوز بس بعيد عن شقة ابني انما تتجوز فيها اهو ده اللي لا يمكن اسمح بيه ابدا
منال
طيب اهدي بس ياماما وانا اقولك على حاجه كويسه
سميرة
قولي يامنال
منال
احنا نسيبها تتجوز عادي تمام وبعدين انتي تعملي حجة انك هتعيشي لوحدك وتروحي تعيشي معاها في الشقة قولتي ايه
سميرة
وهو ينفع اروح أعيش معاها وهي معاها راجل تاني غير اخوكي لا هي تسيب الشقة وتروح تتجوزه بعيد
منال
والله انا قولتلك على الفكرة دي وانتي براحتك بقا انما تقولي هي تسيب الشقة هي مش هتسبها صدقيني مش هتوافق
سميرة
ماشي هنشوف يامنال
وعند رقية لقت الباب بيخبط فتحت وكانت حماتها وقالت
اهلا وسهلا ياماما اتفضلي
سميرة
ازيك يا رقية عاش من شافك
رقية بارتباك
منا تحت النظر اهو ياماما طب والله ليكي وحشه انتي منال الا هي مجاتش معاكي ليه
سميرة اقعدت وحطت رجل على رجل وقالت

 

 

أصلها مش فاضية ما انتي عارفه بقا كلها كام يوم وتتجوز
رقية
ااه صح يلا ربنا يوفقها يارب
سميرة
الا هو صحيح يا رقيه انتي كمان ناوية تتجوزي

رقيه پخوف وبلعت ريقها وقالت 
انا انا ااه ياماما دي واحدة صاحبتي عندها اخ وارمل زي وكده فقالت لي انه بيدور علي واحدة يتجوزها ورشحتني ليه هو بصراحة ياماما انسان كويس اوي ومحترم ميتخيرش عن محمد الله يرحمة
سميرة اتصعبت وقالت
بس متقوليش زي محمد انا ابني الله يرحمة مكنش في حد زيه ياختي كفاية انه جابلك شقة زي دي تعيشي فيها ووصي قبل مايموت انك تفضلي فيها
رقيه
الله يرحمة ده كان أطيب خلق الله
سميرة
امممم وانتي بقا ناوية تعيشي فيها مع جوزك الجديد ولا هتروحي تعيشي عنده
رقيه
هو بصراحة قالي اروح أعيش عنده أصله من محافظة تانية بس شغله ما بين هنا وهناك أصله عنده شركتين كبار ومشاء الله يعني مبسوط اوي بس قولتلة لما يبقا عنده شغل هنا نفضل في شقتي ولما يبقا عنده شغل هناك اروح معاه هناك وهكذا يعنى
سميرة
ولما هو مبسوط ومتريش كده مش بيجبلك شقة ليه تعيشي فيها
رقية
ماهو قالي يجبلي شقه بس انا بصراحة مرتاحة هنا ومش متخلية اني اسيب الشقه دي عشان اروح مكان تاني
سميرة
امممم طيب يارقية على العموم مبروك على العريس المتريش هاقوم انا بقا امشي
رقية
ما لسه بدري ياماما خليكي قاعده معايا شوية انتي حتى لسه مشربتيش حاجة
سميرة
لا ياحبيبتي اشرب بقا لما تكتبي الكتاب وعليكي خير صحيح متنسيش تبقى تيجي فرح منال انتي مش محتاجة عزومة وابقي هاتي معاكي العريس اهو بالمره نتعرف عليه يلا سلام
ومشيت حماتها من عندها واتصلت بصاحبتها وقالت
الووو ايوه يا ناهد شوفتي اللي حصل حماتي كانت عندي هنا وعرفت اني هتجوز ولقيتها كده زي ماتكون موافقه وقال ايه جاية بتعزمني على فرح منال بنتها وعايزاني اخد إيهاب معايا الفرح
ناهد
ههههه بجد طيب والله كويس وانتي اللي كنتي خاېفة من رد فعلها اهي موافقه اهي ايه